У Беларусi ўсё ж ёсць спартыўныя арэны, якiя будуюць амаль па плане, – праўда, з вялiкай дапамогай з-за мяжы

У апошні час стала вядома, што адразу некалькі запланаваных раней спартыўных аб’ектаў у Беларусі так і не з’явяцца. Так, абвясцілі тэндэр на знос недабудаванага палаца гульнявых вiдаў спортаў у Полацку.

У Полацку хочуць знесці даўгабуд, які мусіў стаць лядовым палацам: даражэў з 5 да 22 млн долараў і стаў мясцовым «стоўнхэнджам»

У Мінску не будзе лыжнага комплексу, якi ў 2018-м анансаваў асабіста Лукашэнка. Кампанія-забудоўшчык увогуле ў працэсе ліквідацыі.

Экс-хакеіст усё ж не збудуе дзіўны лыжны тунэль у Мінску: яго кампанія банкруціцца, сам жа знік са складу каманды Лукашэнкі

Але ж ёсць i больш удалыя спробы. Напрыклад, у снежні 2024-га года павінен быць гатовы новы сучасны басейн, які будуецца ў Мiнску проста каля станцыi метро «Моладзевая», не вельмi далёка ад цэнтра горада.

У 2018 годзе прадстаўнiкi рэжымаў Беларусi і Кітая падпісалі пагадненне, якое прадугледжвала прадастаўленне азiяцкай краiнай бязвыплатнай дапамогі для рэалізацыі шэрагу праектаў, у тым ліку басейна і футбольнага стадыёна. Кітай адразу выдаткаваў 235 мільёнаў даляраў, а пазней дакінуў яшчэ 50 мільёнаў.

В Минске начали строить Национальный футбольный стадион за китайские деньги. Что вы об этом думаете?

Непагадзь у мінулыя выходныя закранула Нацыянальны футбольны стадыён – моцны вецер адрываў вялікія часткі канструкцыі

Спартбудаўніцтва ў іншых краінах – звычайная практыка для Кітая, для якой прыдумалi назву «стадыённая дыпламатыя»ю Вядзецца яна з 1958 года, калі кітайскі ўрад прафінансаваў будаўніцтва нацыянальнага стадыёна ў Манголіію. А цяпер, срод iншана, пачаў ствараць аналагiчны аб’ект у Сербii.

Што тычыцца мiнскага басейна, дзеля яго выселiлi некалькі жылых дамоў і арганізацый, у тым ліку друкарню «Чырвоная зорка», заснаваную ў 1927 годзе, і «Аўтакамбінат №2». У канцы 2018-га пачаўся знос будынкаў, будаўніцтва басейна стартавала ў сярэдзіне 2020-га. Вось так выглядаў рэндэр – фасад вырашылi выканаць ў форме пяці злучаных ромбаў, якія сімвалізуюць беларускі нацыянальны арнамент.

Лукашэнкаўскі выканкам па Мінску абяцаў, што басейн будзе адпавядаць міжнародным стандартам, а побач з’явіцца яшчэ і спартыўны парк. «Тут можна будзе пакатацца на скейтбордзе, пазагараць на пяшчаным пляжы, акунуцца ў басейн, павольна прайсціся ці зладзіць прабежку па пракладзеных дарожках», – абяцалi чынушы.

Будаўнікі басейна рабiлi сваю справу i па вечарах, і ў выходныя. Але план па сканчэннi прац у канцы 2023-га ўсё роўна не выканалi – i мiнулай восенню ссунулі тэрмін на год наперад. У сакавіку 2024-га нарэшце вымаляваўся каркас.

Сёння ж практычна завершана знешняе аздабленне комплексу.

Бюджэтныя сродкі пайшлі на падрыхтоўку тэрыторыі. Кітайскі ж бок не толькі пабудуе басейн, але і будзе абслугоўваць аб’ект па гарантыі на працягу двух гадоў пасля ўводу ў эксплуатацыю. Плошча складзе каля 40 тысяч квадратных метраў, вышыня – каля 31 метра.

Комплекс будзе падзелены на дзве часткі. У спаборніцкім блоку будзе два басейны па 50 метраў – плавальны і скачковы – з трыбунамi на больш за шэсць тысяч гледачоў. Тут будзе трэнiровачная база для беларускiх зборных па водных відах спорту: плаваннi, сiнхронным плаваннi, скачках у ваду, водным пола. Для простых грамадзян жа будуць даступныя спартыўныя залы, спа-зона, кафэ і рэстаран з еўрапейскай і кітайскай кухняй. Прадугледжваецца вытрымаць да 5000 наведванняў за дзень.

Паралельна свае абрысы займеў і будучы футбольны стадыён каля «Трактара» . Вось як ён выглядаў у канцы лiпеня 2024-га.

Будаўніцтва аб’екта павінна завяршыцца да 1 верасня. Да канца года адведзены час на наладку абсталявання. Арэна павінна ўмясціць 33 000 гледачоў.