Крысціна Ціманоўская: «Вельмі важна разумець, што вымушаная эміграцыя – гэта траўма»
Лёгкаатлетка Крысціна Ціманоўская ў сваім Instagram падзялілася думкамі аб вымушанай эміграцыі, і яе ўплыве на псіхалагічны стан.
«15 месяцаў эміграцыі. Думкі:
Вельмі важна разумець, што вымушаная эміграцыя – гэта траўма. І пажадана яе не ігнараваць.
Я пайшла ў тэрапію ў сярэдзіне лета. У той дзень я жудасна злавалася, сумавала, плакала і хацела выдаліцца з усіх сацыяльных сетак. Тады-то я і зразумела, што, здаецца, я не змагла пражыць свой змушаны ад'езд…
Недзе праз 3 месяцы мяне адпусціла. Я супакоілася, стала больш цвяроза глядзець на сітуацыю, убачыла шмат плюсаў і новых магчымасцей.
У восеньскі сезон я ўвайшла ўжо новым чалавекам, які новымі вачыма ўбачыў Варшаву і перастаў яе асуджаць за нейкія дробныя недахопы.
Гэта актуальна зараз усім, хто з'ехаў пасля 2020, і тым, хто з'ехаў пасля лютага: бачу роўна тую ж разгубленасць, тыя ж пачуцці і тыя ж пытанні, што былі ў мяне.
Мне пішуць адзін за адным людзі, і пытаюцца:
– Ты сумуеш па дому? Калі гэта пройдзе?
Рабяты, гэта пройдзе.
Але трэба пражыць усе стадыі: адмаўленне, гандаль, гнеў, дэпрэсія, прыняцце.
Я думаю, па кантэнце вельмі адчуваюцца мае перапады настрою: складаныя і вельмі пазітыўныя моманты. Цяпер надыходзіць мой новы перыяд: шмат планаў, ідэй, людзей побач і цвёрдасць стану. Але крыху не хапае сіл.
Лета і восень падзялілі маё жыццё на да і пасля. І цяперашняя Крысціна ў 100 разоў больш дарослая і мацнейшая за тую, якую вы даведаліся. За што я, нягледзячы ні на што, вельмі ўдзячная ўсяму, што адбылося.
Праблем па-ранейшаму шмат, але зараз мне значна лягчэй з імі спраўляцца.
Таму што ў мяне зараз у галаве ёсць наймоцныя нейронныя сувязі: складанасці былі і будуць, іх не пазбегнуць, гэта дадзенасць жыцця. Усё можна вырашыць і перажыць. Усё да лепшага.
П.С.: Я ўсё яшчэ праходжу тэрапію, і яна сапраўды вельмі дапамагае», – напісала Ціманоўская.
⚽️Чэмпіянат свету-2022 па-беларуску і без VPN! Пампуй дадатак Tribuna.com