Себасцьян Коу: «Санкцыі супраць Расіі і Беларусі прадстаўляюцца адзіным мірным спосабам аднавіць мір»
Кіраўнік World Athletics Себасцьян Коу выказаўся пра санкцыі супраць расійскіх і беларускіх спартсменаў.
«Як я ўжо адзначаў падчас увядзення гэтых мераў летась, беспрэцэдэнтныя санкцыі, уведзеныя супраць Расіі і Беларусі краінамі і галінамі па ўсім свеце, прадстаўляюцца адзіным мірным спосабам сарваць і абясшкодзіць цяперашнія намеры Расіі і аднавіць мір.
Смерць і разбурэнні, якія мы бачылі ва Украіне за апошні год, у тым ліку гібель каля 185 спартсменаў, толькі ўмацавалі маю рашучасць у гэтым пытанні. Цэласнасці нашых буйных міжнародных спаборніцтваў ужо нанесены значны ўрон дзеяннямі расійскага і беларускага ўрадаў у выніку пазбаўленняў, прычыненых украінскім спартсменам, і разбурэння спартыўных сістэм Украіны. Расійскія і беларускія спартсмены, многія з якіх маюць дачыненне да вайскоўцаў, не павінны быць бенефіцыярамі гэтых дзеянняў», – сказаў Коу.
Нагадаем, што World Athletics адхіліла прадстаўнікоў Беларусі ад спаборніцтваў пад сваёй эгідай у адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.
