Усерасійская федэрацыя лёгкай атлетыкі адмовілася прымаць у свой склад Севастопаль і Крым
Прэзідэнт Федэрацыі лёгкай атлетыкі Севастопаля (ФЛАС) Ігар Паклін паведаміў, што Усерасійская федэрацыя лёгкай атлетыкі (ВФЛА) адмовілася прымаць у свой склад Севастопаль і Крым.
Па інфармацыі Пакліна, ВФЛА адмовіла яго федэрацыі, каб мець магчымасць аднавіць сваё сяброўства ў World Athletics.
«Міністэрства спорту Расіі вырашыла, што мы (Федэрацыя лёгкай атлетыкі Севастопаля – заўв.) проста як юрыдычная асоба зарэгіструемся і будзем працаваць паралельна з ВФЛА, але без пацверджання сяброўства ва ўсерасійскай федэрацыі.
Пакуль у Севастопалі не з'явіцца крыты лёгкаатлетычны манеж, пра развіццё як віда спорту гаварыць вельмі складана, паколькі без такога манежа спартсмены губляюць 4-5 месяцаў падрыхтоўкі ў год.
Севастопаль не заслужыў такіх адносін. Гэта федэральны горад. І не мець ніводнага лёгкаатлетычнага манежа – гэта зневажальна», – сказаў Паклін.
Нагадаем, што сяброўства ВФЛА ў World Athletics было прыпынена ў 2015 годзе з-за допінг-скандала.