Іван Ціхан: «З часам сусветная супольнасць зразумее, у якой тупік МАК завёў сусветны спорт»
Старшыня Беларускай федэрацыі лёгкай атлетыкі Іван Ціхан пракаментаваў правядзенне Гульняў БРІКС.
– Магчыма, у вас ёсць нейкая інфармацыя па гэтых гульнях БРІКС. Нейкі палітычны ціск на арганізатараў быў?
– Сказаць, што афіцыйна нейкі ціск быў, не магу. Але, неафіцыйна, закулісна, хутчэй за ўсё, яно прысутнічала. Мы назіраем, што многіх краін, якія запрашалі на гэтыя гульні, папросту, не прыехалі. Арганізатары хацелі зрабіць вялікае свята спорту і запрашалі Ўсе краіны. Але хтосьці ўстрымаўся, таму што ўсё роўна закулісны ціск прысутнічаў і прысутнічае. Хочам мы гэтага ці не.
Цяпер нельга сказаць, што ўвесь спорт аддзелены ад палітыкі. Гэта дакладна не тое месца, дзе пераважае светасазідаючая пазіцыя, на жаль. Пастулат пра тое, што спорт – гэта тая пляцоўка, дзе павінны высвятляць адносіны мірным шляхам, На жаль мёртвы.
– Мяркуючы з рыторыкі, гульні сяброўства, правядзенне якіх было запланаванае ў Расеі сёлета, ужо пад пытаннем?
– Пакуль ніякіх афіцыйных заяў аб іх адмене не было. Інфармацыя праскоквала ў інтэрнэт-рэсурсах, але на сённяшні дзень Расійская Федэрацыя робіць усё магчымае для таго, каб яны адбыліся. Такія спаборніцтвы даўно наспявалі і толькі пачынаюць набіраць абароты. Мы бачым, што гэта юбілейныя, пятыя, гульні БРІКС, толькі пачаліся, а які размах у іх!
Калі ў Кітаі, як я памятаю, было ці то тры, ці то пяць відаў спорту, то ў Расіі ўжо амаль 30. Я думаю, з часам сусветная супольнасць зразумее, у які тупік МАК завёў сусветны спорт. І ён не хоча прымаць рашэнні, якія проста неабходна прымаць. Спартсмены павінны быць у роўных умовах. Так, няхай цяпер гэта немагчыма, таму што мы выступалі б пад нейтральным сцягам, але хаця б з допускам. Я так разумею, што ім не хапіла сілы духу, не хапіла матывацыі, не хапіла прынцыповасці ў сваіх рашэннях, – сказаў Ціхан.
