Карына Дзямідзік: «Вяду Instagram на беларускай мове, каб на міжнароднай арэне разумелі, з якой я краіны, і не блыталі яе з Расіяй»

Беларуская лёгкаатлетка Карына Дзямідзік распавяла, чаму вядзе Instagram на беларускай мове.

– Зараз у асабістым жыцці часта размаўляеш па-беларуску?

– Цяпер з беларускай мовай усё складаней. Не часта сустрэнеш людзей, якія на ёй размаўляюць, і цяпер гэта ўспрымаецца па-іншаму. Вядома, я не буду сцвярджаць, што пастаянна размаўляю на беларускай мове ў звычайным жыцці. Але перыядычна са сваім трэнерам, бацькамі і падпісантамі я гэта раблю і атрымліваю задавальненне.

Раней я нашмат лепш ведала беларускую мову. Цяпер складаней, усё ж такі адсутнасць практыкі адбіваецца на гутарковай мове. Тое, што я вяду Instagram на беларускай мове, лічу, вельмі крута і павялічвае цікавасць да яго з боку людзей, у тым ліку з іншых краін. Наогул было тое, што я хацела, каб на міжнароднай арэне выразна разумелі, з якой я краіны, і не блыталі яе з Расіяй. Таму што такое неаднаразова было. Мы асобная краіна са сваімі мовай, людзьмі і каларытам. Цяпер часта атрымліваю прыемныя словы ад расійскіх спартсменаў, і не толькі пра тое, што вяду свой Instagram па-беларуску. Часам вучу іх нашым словам – гэта весела і прыкольна, – сказала Дзямідзік.