Уладзіслаў Блізнюк: «Мінск» настроены даць бой у Казані і паказаць добры баскетбол на працягу ўсіх 40 хвілін»

Абаронца «Мiнска» Уладзіслаў Блізнюк падзяліўся чаканнямі перад матчам Лігі ВТБ супраць УНІКСа. Сустрэча пройдзе 29 лістапада.

«Пасля нядаўняй перамогі над краснаярскім «Енісеем» каманда адчувае сябе лепш у псіхалагічным плане, з нашых плячэй спаў пэўны груз.

Навічок Супрым Ханна вельмі дапамог камандзе ў мінулай сустрэчы і я лічу, што з яго прыходам мы сталі больш варыяцыйнымі ў нападзе, чаго, безумоўна, нам не хапала на старце сезона.

Што да УНІКСа, то гэта вельмі моцная каманда з пісьменным трэнерам на чале. Матч у Мiнску паказаў, што мы можам гуляць з імі на роўных.

Нас чакае другая запар выязная сустрэча з доўгімі пералётамі. Будзе няпроста, але мы настроеныя даць бой у Казані і паказаць добры баскетбол на працягу ўсіх 40 хвілін», – сказаў Блізнюк.

⚽️ Чэмпіянат свету-2022 па-беларуску і без VPN! Пампуй дадатак Tribuna.com