Баскетбалістку зборнай ЗША Грайнер абмянялі на асуджанага за гандаль зброяй расіяніна Бута

Баскетбалістку зборнай ЗША Брытні Грайнер, асуджаную ў Расіі па абвінавачванні ў захоўванні наркотыкаў, абмянялі на расіяніна Віктара Бута, які знаходзіўся ў амерыканскай турме па абвінавачванні ў гандлі зброяй.

Нагадаем, што ў кастрычніку маскоўскі абласны суд зацвердзіў 9-гадовы тэрмін калоніі па абвінавачванні ў кантрабандзе наркотыкаў для амерыканскай баскетбалісткі.

Цэнтравая УГМК і зборнай ЗША Грайнер была арыштаваная ў аэрапорце Шарамеццева ў лютым 2022 года за спробу нелегальна завезці ў Расію гашышнае масла.

У жніўні расійскі суд у падмаскоўных Хімках прысудзіў баскетбалістку да дзевяці гадоў калоніі.