Прэзідэнт украінскага баскетбольнага клуба «Праметэй» Дубінскі: «Думаю, ці правільна казаць пра баскетбол, калі хтосьці гіне на фронце, але краіна мусіць працягваць жыць»
Прэзідэнт украінскага баскетбольнага клуба «Праметэй» Уладзімір Дубінскі падзяліўся думкамі аб тым, ці правільна казаць аб баскетболе падчас вайны.
«Ва Украіне жывуць мільёны людзей, і мы ўсе цяпер як адна вялікая сямʼя. Мы стараемся быць мацнейшымі і трымацца разам, падтрымліваць простых людзей і тых, хто на перадавой.
Часам я думаю, ці правільна гаварыць у Фэйсбуку або ў СМІ пра баскетбол у той час, калі хтосьці гіне на фронце, калі вайна ўсё бліжэй, але мы цвёрда перакананыя, што краіна мусіць працягваць жыць, і даем крыху нармальнага жыцця, якім мы жылі раней
Часам я думаю, ці правільна гэта гаварыць і думаць пра баскетбол. Але «Праметэй» аказвае вялікую падтрымку — мы дапамагаем узброеным сілам і людзям. Мы дасылаем харчы, грошы, купляем ваеннае абсталяванне, каб дапамагчы як мага хутчэй выйграць гэтую вайну.
Месяц за месяцам мы разумеем, што тое, што мы робім для спорту і баскетбола, дазваляе нашым людзям адчуваць, што мы жывем у свабоднай краіне і мы застанемся свабоднымі. Вы не можаце падчас вайны жыць толькі вайной.
Трэба паказаць людзям, што ў нас ёсць свой спорт, свая культура. Мы ўкраінцы. Паглядзіце, з якім гонарам нашы легіянеры апранулі ўкраінскі сцяг перад гульнёй. Гэта дае нам сілы і адчуванне, што мы як мага хутчэй выйграем гэтую вайну. Мы працягнем гуляць і прасоўваць украінскую культуру і спорт не толькі ў Еўропе, але і ва ўсім свеце», — сказаў Дубінскі.
Нагадаем, з 24 лютага Расія працягвае вайну ва Украіне з выкарыстаннем тэрыторыі Беларусі.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
