– Любая гульня – гэта тысяча мікрадуэляў. Калі гульня роўная, менавіта перамогі ў гэтых мікрадуэлях маюць ключавую ролю. У канцы індывідуальнае майстэрства выканаўцаў выходзіць на першы план.

Сапернік свае атакі рэалізаваў, знайшоў перавагу, давёў мяч да тых людзей, якія ў стане яго закінуць у кола. На жаль, у нас з гэтым праблемы застаюцца.

Безумоўна, па якасці гульні я не магу не быць задаволены – хлопцы цалкам аддаваліся. 3 страты за першую палову, 11 страт за 45 хвілін – гэта вельмі нядрэнна для нас.

Па выніку ўсё роўна хтосьці павінен браць і закідваць мяч, штрафныя кідкі, браць на сябе адказнасць у канцоўцы і рэалізоўваць атакі.

На жаль, для нас усё заканамерна. Трэба паляпшаць сваё індывідуальнае майстэрства, – сказаў Вяргун.

Аўтар: bytribuna com

Крыніца: minskbasket.by