Сныціна пра смерць палітвязня мастака Пушкіна: «Спачывайце з мірам Алесь, мы пастараемся вас не падвесці»
Беларуская баскетбалістка Кацярына Сныціна пракаментавала смерць беларускага палітвязня мастака Алеся Пушкіна.
«Калі ідзеш праз пекла, галоўнае, не спыняцца».
Здаецца мы ў пекле, смерці і катаванні сваіх жа суграмадзянаў рукамі беларусаў – ці гэта не пекла.
Але выйсця няма, трэба працягваць праз яго ісці.
Сіл палітвязням і іх сем'ям, сіл беларусам у краіне і за яе межамі, сіл усім нам.
Трымаеце бліжэй адзін да аднаго, сэрца да сэрца, па іншаму азлобімся і прападзем.
Жыве Беларусь! Спачывайце з мірам Алесь, мы пастараемся вас не падвесці», – напісала Сныціна.
Нагадаем, што мастак памёр ноччу на 11 ліпеня ў рэанімацыі пры нявысветленых абставінах.
Пушкін быў асуджаны да 5 гадоў зняволення ў калоніі строгага рэжыму. Яго абвінавацілі ў здзеку над дзяржаўнымі сімваламі (арт.370 КК) і ў распальванні расавай, нацыянальнай, рэлігійнай альбо іншай сацыяльнай варожасці або варожасці (ч. 3 арт. 130 КК).
Нагадаем, у сакавіку 2021 года мастак вярнуўся ў Беларусь з Кіева, нягледзячы на тое, што на яго ўжо завялі крымінальную справу.
