Рыжанкоў – пра свайго пераемніка ў БФБ: «Трэба проста падрыхтаваць чалавека, якому павераць і за яго прагаласуюць»
Кіраўнік БФБ і так званы міністр замежных спраў Максім Рыжанкоў распавёў пра пошук пераемніка.
Рыжанкоў узначальвае БФБ з 2014 года. У маі 2025 года ён быў пераабраны на чарговы тэрмін.
– Нейкае кола кандыдатаў ёсць?
– Не, я б пра гэта цяпер не казаў. Насамрэч, разумееце, калі б гэта было так лёгка вось узяць і знайсці чалавека.
Трэба разумець, што гэта – грамадская нагрузка. Гэта значыць, у чалавека павінна быць усё ж тое, чым ён зарабляе на жыццё. Або калі ён ужо на пенсіі, то той рэсурс, якім ён будзе прыцягваць увагу да развіцця спорту і вырашаць пытанні, патрэбныя для федэрацыі.
Чалавек павінен любіць баскетбол, ён павінен разумець, ведаць людзей. Тут пытанне не можа быць пошуку з пункту гледжання знайсці гатовага. Трэба проста падрыхтаваць чалавека за гэты час, якому павераць у федэрацыі, прагаласуюць за яго.
– Гэта значыць, будзе чалавек з федэрацыі?
– Гэта можа быць і чалавек не з федэрацыі, але гэта будзе чалавек той, які ў рэшце рэшт будзе валодаць такімі якасцямі, якія будуць спрыяць таму, што федэрацыя яго ўспрыме.
А БФБ – гэта не 15 чалавек, якія працуюць у федэрацыі, а гэта вось наша ўся дружная баскетбольная сям'я, – сказаў Рыжанкоў.
