Францыя амаль зацягнула ЗША ў авертайм у жаночым баскетбольным фінале Алімпіяды. Перашкодзілі лічаныя сантыметры
Габі Уільямс «выканала Кевіна Дзюрэнта» 😳
Зборная ЗША атрымала восьмае золата Алімпійскіх гульняў у жаночым баскетболе. Але цяперашняе чэмпіёнства стала для іх самым цяжкім – у фінале яны мінімальна абгулялі Францыю, якіх гналі хатнія трыбуны.
Выніковы рахунак – 67:66.
Францыя нават была блізкая да таго, каб зраўняць лік і зацягнуць грозных амерыканак у авертайм. Габі Уільямс патрапіла кідок з сірэнай аб завяршэнні чацвёртай чвэрці, калі яе каманда прайгравала з розніцай у тры ачкі.
Аднак аказалася, што гэта быў двухачковы кідок, бо Габі заступіла за трохачковую лінію. Гэта не дазволіла ёй зраўняць лік і зафіксавала факт перамогі зборнай ЗША – у жаночым баскетбольным фінале і агульным заліку ўсёй Алімпіяды ў Парыжы. Калі б амерыканкі прайгралі, то выніковае першае месца ў заліку заняў Кітай.
У сетцы гэты момант імгненна ўзяліся параўноўваць з тым жа сантыметровым заступам Кевіна Дзюрэнта за «Бруклін» у сёмым матчы серыі плэй-оф супраць «Мілвокі» ў плэй-оф НБА 2021 года. Тады Кейдзі з-за вельмі падобнага эпізоду не змог вырваць патрэбны вынік для сваёй каманды.
Фота: FIBA, скрыншоты Eurosport
Іншыя пасты карыстальніка
