Экс-гулец БК «Мінск» ўзяў чарговы тытул – супернік падчас гульні выдаў спіч, які здзівіў баскетбольную супольнасць

З 11 па 15 верасня ў Сінгапуры прайшоў розыгрыш Міжкантынентальнага кубка ФІБА, у якім бралі ўдзел пераможцы пераможца Лігі чэмпіёнаў «Унікаха», зборная G League United, аўстралійская «Тасманія» і ліванскі «Аль-Рыядзі».

У фінале трафей аспрэчвалі амерыканская зборная і іспанская «Унікаха», за якую выступае экс-гулец «Мінска» цэнтравы Дэвід Кравіш.

Па ходзе матчу «Унікаха» не заўважыла супраціву зборнай G League United, выйграўшы тытул (75:60), але гулец каманды з Лігі развіцця Хуан Таскана-Андэрсан забраў усе загалоўкі спартыўнай прэсы.

У трэцяй чвэрці, калі амерыканцы прайгравалі амаль 20 ачкоў, ён узяў слова ў тайм-аўце і выдаў такое:

«Наша мара – гэта не гробаны чэмпіянат Іспаніі. Наша мара – гэта не гробаная Еўраліга. Наша мара – гэта гуляць у гробанай Нацыянальнай баскетбольнай асацыяцыі і зарабляць мільёны даляраў. Тое, што яны з намі робяць, гэта недапушчальна», – скончыў Таскана-Андэрсан.

ВІДЭА

Гарачы тайм-аўт ужо разышоўся па ўсіх еўрапейскіх баскетбольных медыях і паспеў выклікаць рэакцыю ў тым ліку прафесійных гульцоў.

Экс-гулец «Ніжняга Ноўгарада» Кендрык Пэры, які зараз выступае за «Унікаху», папрасіў проста паважаць шлях тых, хто па шэрагу чыннікаў не гуляе ў НБА:

«У рэшце рэшт, гаворка ідзе пра павагу… проста паважайце тое, што ёсць сапраўдныя HOOPERS, у якіх проста не было магчымасці гуляць у НБА, і гэта нармальна… мы знайшлі свой уласны шлях і прабіліся з яго… проста паважайце тое, што адбываецца ў нас, і мы будзем паважаць ваш шлях таксама».

Не прамаўчаў і экс-гулец ЦСКА Майк Джэймс, які выступае за «Манака»:

«Калі ты марыш гуляць у НБА, гэта не значыць, што ты лепшы за гульцоў Еўралігі ці ACB. Атрымаць ад каманды, якая не гуляе ў Еўралізе, пасля такіх размоваў – проста памора».

Эпічнасці сітуацыі дадае і тое, што літаральна на днях Таскана-Андэрсан назваў G League другой найлепшай лігай у свеце. Так што каманда Кравіша «ляснула» зборную каманду з другой лепшай лігі ў свеце.