Дамінаванню экс-«драконаў» прыйшоў канец? Мінчане не ўразілі з Віцебскам, а зараз прайгралі Магілёву

У гэтым сезоне беларускі чэмпіянат па баскетболе прыцярпеў ракіроўку – асноўная каманда мінчан, застаўшыся без Адзінай лігі ВТБ, пачала турнір з «рэгуляркі», а яе моладзевы склад адправіўся якраз у тую самую банкаўскую лігу, дзе будуць гуляць з аднагодкамі. Дарэчы, дэбют атрымаўся ўдалым – падапечныя Дзмітрыя Калтунова атрымалі перамогу над дублем УНІКСа (70:64).

У Беларусі пачаўся баскетбольны чэмпіянат. Трохі легіянераў (але яшчэ даедуць), розніца ў 65 ачкоў і жахлівая трансляцыя

Але, падобна, гэта далёка не ўсе змены ў гэтым сезоне – мяркуючы па ўсім пад пытаннем дамінаванне экс-«Драконаў» на ўнутранай арэне. Мінчане ўжо ў мінулым сезоне паказвалі невыразную гульню і нават прайгралі ў Кубку краіны яшчэ на стадыі паўфіналу, але ў фінале ЧБ у 4-х матчавай серыі нагадалі, хто ўсё яшчэ найлепшая каманда краіны.

Толькі вось гэта было ў мінулым годзе, а ў гэтым «Мінск» сутыкнуўся з праблемамі ўжо на старце. У першым матчы не без цяжкасцей адолеў «Рубон» (71:67), а ўжо ў другім спатыкнуўся аб «Барысфен». Яшчэ па ходзе першай чвэрці мінчане прапусцілі 28 ачкоў, здолеўшы адказаць толькі 13-ю, а на вялікі перапынак адставанне склала «-18». У другой палове сустрэчы лік і зусім трымаўся на адлегласці 25 пунктаў, але ў канцоўцы «Мінск» патрапіў пару сваіх кідкоў і скараціў розніцу – 69:86.

Варта адзначыць, што на гульню з найбольш прынцыповым супернікам «Мінск» прыехаў без гульца стартавага складу Максіма Лютыча. Таго кіраўніцтва адправіла спаборнічаць у Адзінай Кантынентальнай Лізе «Кубак Садружнасці» 3x3.

Пры гэтым, паводле нашай інфармацыі, з гэтага сезону гульцы, чые заробкі сягоння несупаставіма меншыя з тым, што было ў мінулым сезоне, маюць у кантракце прапісаныя штрафы. Так што паражэнне ў Магілёве цалкам можа абысціся камандзе ў капеечку. Але пацярпелі не толькі гульцы – заробкі паменшылі і радавым супрацоўнікам клуба. Пасля гэта клуб пакінула некалькі супрацоўнікаў, а некаторыя плануюць зрабіць гэта пасля заканчэння кантракта.

17-е чэмпіёнства пад вельмі вялікім пытаннем.