«Пляжнік» Брышцель: «У групе Беларусі кожны можа стаць прызёрам ЧС. Калі выйдзем, планы павінны рэалізавацца»

Гулец зборнай Беларусі па пляжным футболе Ігар Брышцель расказаў пра свае чаканні ад удзелу ў чэмпіянаце свету.

– У лютым пройдзе фінальная частка чэмпіянату свету, у якой згуляе зборная Беларусі. Думаеце пра тое, як усё можа скласціся для вас у Аб'яднаных Арабскіх Эміратах?

– А куды ад гэтых думак дзенешся? Вядома, думаем, праглядаем гульні супернікаў, аналізуем. Вось зборная Калумбіі, якая ў нашай групе, выступала на турніры ў Бразіліі. Не сказаць, што вельмі тэхнічная, але моцная, сілавая. Паглядзелі спарынгі зборнай Японіі. Каманда Сенегала таксама не падарунак. У нас увогуле падабралася, бадай, самая роўная група, кожны можа апынуцца ў прызёрах. Як кажуць у такіх выпадках – «група смерці». Калі мы выйдзем з яе, то далей будзе ўсё добра, нашы планы павінны рэалізавацца, – сказаў Брышцель