– Вядома, было крыўдна, але асабліва не засмуціліся. Мабыць, футбольны бог распарадзіўся, каб перамаглі бразільцы. Дарэчы, я вельмі марыў сыграць з імі, і вось здарылася.

– Ці былі думкі перад чэмпіянатам, што можна ўзяць медалі?

– Пасля мінулага турніра, калі сталі чатырнаццатымі, натуральна, было жаданне падняцца вышэй. Але былі праблемы з складам, толькі ў красавіку атрымалася сабрацца аптымальным варыянтам. Баяліся, што можам не паспяваць набраць патрэбную форму. Але пашанцавала з надвор’ем, адпрацавалі некалькі дзён у Мінску.

– На групавым этапе асаблівых праблем не было, а вось далей прыйшлося няпроста.

– Ну, чаму не было? Японцы далі бой, яны заўсёды прэтэндуюць на ўзнагароды. У плэй-оф, канешне, з Іранам, але мы з імі часта гуляем, таму вывучылі. І Бразілія, у якой можна многа чаму навучыцца.

– У акіяне атрымалася паплаваць?

– Так, вада была вельмі цёплая, каля 30 градусаў. Добра расслабіцца атрымалася, – сказаў Брышцель.

Аўтар: Ryhor Bartaševič

Крыніца: mlyn.by

Ігар Брышцель