СБР пра нядопуск мужчынскай зборнай Беларусі да вялікага мас-старту на ЧР: «Вольныя месцы былі прапанаваныя беларускай камандзе. Яна ад удзелу адмовілася»

Саюз біятланістаў Расіі (СБР) адрэагаваў на інфармацыю пра нядопуск беларускіх біятланістаў на мужчынскую гонку з масавым стартам чэмпіянату Расіі ў Іжэўску, дзе павінны былі прыняць удзел 60 спартсменаў. У выніку 26 лютага на старт гонкі выйшлі 53 расійскія біятланісты.

– У суботу ўвечары, 25 лютага, напярэдадні вялікіх масстартаў, у якіх па правілах могуць удзельнічаць не больш за 60 чалавек у мужчын і ў жанчын, былі сфарміраваны папярэднія стартавыя пратаколы.

У жанчын заяўленых удзельніц было менш за 60, беларускія спартсменкі адразу трапілі ў стартавы пратакол і на наступны дзень, у нядзелю, шчасна стартавалі.

У мужчын заяўленых удзельнікаў было 78 чалавек, якія былі размеркаваны наступным чынам: стартавы пратакол – 60 спартсменаў Расійскай Федэрацыі, рэзервовы спіс – 10 расіян і 8 спартсменаў Рэспублікі Беларусь.

Асноўны стартавы пратакол быў сфарміраваны ў нядзелю, 26 лютага, у адпаведнасці з правіламі за дзве гадзіны да пачатку гонак. Пасля пацверджання ўдзелу ў ім засталіся 53 расійскія спартсмены. Вольныя сем месцаў былі прапанаваны афіцыйнаму прадстаўніку зборнай Беларусі, аднак беларуская каманда ад удзелу ў вялікім масстарце ў мужчын адмовілася.

Адзіным дакументам, які вызначае ўдзел спартсменаў з Рэспублікі Беларусь ва ўсерасійскіх спаборніцтвах па біятлоне, з'яўляецца Рэгламент СБР па правядзенні гэтых спаборніцтваў (чэмпіянат Расіі, Кубак Расіі і да т.п.). СБР са свайго боку робіць усё, каб, з аднаго боку, выканаць усталяваныя Міністэрствам спорту РФ нормы, з іншай – забяспечыць максімальную магчымасць удзельнічаць ва ўсерасійскіх спаборніцтвах для спартсменаў з сяброўскай краіны.

Беларуская федэрацыя біятлону ведае пра існуючыя правілы і пагадзілася ўдзельнічаць ва ўсерасійскіх спаборніцтвах па гэтых правілах, – гаворыцца ў заяве СБР.