Смольская пра чэмпіёна АГ Самуэльсана, які выказваецца супраць вайны ва Украіне: «Заўзела, каб Швецыя заехала ў тройку без яго. Ёсць шмат спартсменаў з зусім іншым пунктам гледжання»
Беларуская біятланістка Дынара Смольская выказалася пра шведскага біятланіста Себасцьяна Самуэльсана.
Чэмпіён Алімпіяды раней неаднаразова асуджаў вайну ва Украіне, якую з 24 лютага 2022 года працягвае Расія ва Украіне з выкарыстаннем тэрыторыі Беларусі, і выступаў супраць вяртання расійскіх і беларускіх спартсменаў з міжнароднага бана, уведзенага ў большасці відаў спорту, у тым ліку ў біятлоне, у адказ на вайну.
– Звернемся да слоў асобных біятланістаў з Кубка свету, у тым ліку Себасцьяна Самуэльсана. На твой погляд, адкуль прырода іх выказванняў?
– Кожны чалавек і кожны спартсмен мае права на нейкія свае выказванні, нейкія свае думкі. Але прызнаюся сапраўды, гледзячы ўчорашнюю эстафету мужчынскую (Самуэльсан прапускаў гонку 11 сакавіка і ўвесь этап Кубка свету ў Осла з-за заражэння каранавірусам, у згаданай эстафеце Швецыя без спартсмена стала чацвёртай – Tribuna.com), я заўзела за шведскую каманду, каб яны заехалі ўсё-ткі ў тройку без Себасцьяна (смяецца – Tribuna.com).
Таму што ёсць нейкае да яго такое стаўленне… Якая б тэма ні была, ён увесь час адзін з першых, хто адразу на гэта рэагуе і адказвае. Не ведаю, у кожнага спартсмена, канешне, свой выбар, але часам, напэўна, можна паберагчы сваю энергію. Але і ёсць шмат спартсменаў, якія выказваюць зусім іншы пункт гледжання.
Себасцьян, калi ты глядзіш: прывітанне, папраўляйся (махае рукой у камеру і смяецца – Tribuna.com), – сказала Смольская.
