Раман Сінічэнка: «Беларусы будуць выступаць на чэмпіянаце і Кубку Расіі на роўных правах і ў рэйтынгу, і ва ўзнагароджанні»
Старшы трэнер мужчынскай зборнай Беларусі Раман Сінічэнка расказаў пра статус беларускіх спартсменаў на расійскіх спаборніцтвах, якія з'яўляюцца альтэрнатывай міжнародным, куды беларусы і расіяне не дапушчаны.
Нагадаем, што IBU адхіліла прадстаўнікоў Беларусі ад спаборніцтваў пад сваёй эгідай у адказ на вайну, якая з 24 лютага 2022 года працягваецца Расіяй ва Украіне з выкарыстаннем тэрыторыі Беларусі.
– IBU маўчыць?
– Ну, мне не тэлефанавалі...
– Можа быць, ужо зразумела, у якім статусе беларусы будуць прымаць удзел у чэмпіянаце і Кубку Расіі?
– Наша кіраўніцтва сустракалася з кіраўніцтвам Саюза біятланістаў Расіі, і, па той інфармацыі, якая ў нас зараз ёсць, мы будзем выступаць ужо на роўных правах. Будзем удзельнічаць і ў рэйтынгу, і ва ўзнагароджанні, гэта значыць як паўнавартасныя ўдзельнікі спаборніцтваў, – сказаў Сінічэнка.