Ганна Сола: «Беларусь не гатовая да вяртання на Кубак свету – будзем вельмі шмат прайграваць з-за змазкі і лыж»
Беларуская біятланістка Ганна Сола пракаментавала магчымае вяртанне Беларусі да міжнародных спаборніцтваў.
– Калі шчыра, меркавала, што так будзе. Таму асабліва не знервавалася. Мы цяпер не зусім гатовыя.
Калі б нам загадзя сказалі, што вяртаемся, зразумелая справа, што і Федэрацыя, і Міністэрства спорту зрабілі б усе ўмовы, каб мы добра выступілі і ні ў чым не мелі патрэбы. Каб у нас былі новыя лыжы, Змазка без фтору, шчоткі, абсталяванне для сэрвісу. Гэта вельмі затратна.
Паколькі нам не сказалі загадзя, тады, напэўна, і не трэба. Проста зрывацца без добрых лыж. Нават калі фізічна добра падрыхтуемся, будзем вельмі шмат прайграваць з-за змазкі і лыж. Гэта няправільна.
Вядома, вельмі хачу, каб нас дапусцілі. Вельмі важна перад Алімпійскімі гульнямі спаборнічаць з усімі наймацнейшымі ў свеце. Але для гэтага павінны быць створаны ўсе ўмовы. Казаць, што мы дапушчаныя за месяц да стартаў, няправільна.
Цяпер мы спаборнічаем з расіянамі – таксама вельмі моцнымі спартоўцамі. У нас праводзіцца вельмі шмат стартаў з высокай канкурэнцыяй.
Спадзяюся, што нас дапусцяць да Алімпіяды. Наколькі я ведаю, у нас ужо прадумваюць варыянты, каб мы там глядзеліся на годным узроўні і каб у нас не было скаргаў на лыжы, – сказала Сола.
