Ганна Сола: «Была ўпэўнена, што ў Раўбічах могуць зрабіць снег нават да вясны»
Беларуская біятланістка Ганна Сола пракаментавала старт так званага Кубка наймацнейшых, які пройдзе ў Раўбічах з 15 лютага.
Раней у арганізатараў былі сумневы наконт яго правядзення – з-за цёплага надвор'я.
– Чамусьці была ўпэўненая, што спаборніцтвы будуць тут, іх не адменяць, таму што ведала, што нашы арганізатары могуць зрабіць снег нават да вясны. Былі дажджы, траса раставала проста на вачах. Але была ўпэўнена.
– Як праходзіць падрыхтоўка да гэтых стартаў?
– Калі было не вельмі добрае надвор'е, у нас была спакойная нагрузка, нам гэта не перашкодзіла, цяпер, калі пачалі працаваць – траса ўжо ідэальная, таму ўсё ідзе па плане, спадзяюся, што да стартаў таксама ўсё будзе без збояў.
– Як сябе адчуваеце перад стартамі?
– Адчуваю сябе нядрэнна, але ўсё пакажуць старты, у якой форме я, у якой усе астатнія, таму не хочацца загадваць.
Для ўсіх спартсменаў гэта галоўны старт, усё рыхтуюцца да яго, як да ніякага іншага.
Думаю, што будзе цікавая барацьба, умовы будуць для ўсіх аднолькавыя, траса жорсткая, – сказала Сола.
