Браты Бо афіцыйна завяршылі кар'еру
Нарвежскія біятланісты Ёханэс і Тар'ей Бо афіцыйна завяршылі кар'еру.
Браты Бо прынялі ўдзел у мас-старце на этапе ў Халменколене.
На рахунку 31-гадовага Ёханэса 8 алімпійскіх медалёў (5+2+1). Ён рэкардсмен па колькасці залатых узнагарод на ЧС – 23, таксама ён мае 14 сярэбраных медалёў і 6 бронзавых.
Ён атрымаў 143 асабістыя медалі на ўзроўні Кубка свету (91+26+26), а таксама 76 узнагарод у эстафетах (43+22+11).
Бо-малодшы – пяціразовы ўладальнік Вялікага крыштальнага глобуса (2018/19, 2019/20, 2020/21, 2022/23, 2023/24).
36-гадовы Тар'ей мае 6 алімпійскіх узнагарод (3 залатыя + 2 сярэбраныя + 1 бронзавая), ён уладальнік Вялікага крыштальнага глобуса ў сезоне-2010/11.
На ўзроўні ЧС ён атрымаў 27 медалёў (12 залатых + 7 сярэбраных + 8 бронзавых). На Кубку свету Бо-старэйшы заваяваў 70 асабістых узнагарод (15+26+29), а таксама 69 медалёў у эстафетах (40+20+9).
Пра рашэнне спартсменаў завяршыць кар'еру стала вядома ў студзені.
