У рэжымнікаў прабелемы з Нячаевым, але сам гулец тут не пры чым

26 студзеня стала вядома, што па выніках паседжання так званай камісіі па разглядзе зваротаў беларусаў, якія прызнаюць сябе парушальнікамі рэжымных правілаў, «амністыю» атрымалі 7 футбалістаў з «чорнага спісу», у тым ліку цяпер ужо былы гулец БАТЭ Даніла Нячаеў.

Але з чым не справіліся рэжымнікі камісіі, дык гэта з імем гульца. На афіцыйным сайце «Мінспорту» яно напісана з памылкай.

Ну так, Даніл ці Даніла - якая ім увогуле розніца, чый лёс вырашаць людажэрам.

Імя гульца не першы раз выклікае ў рэжымнікаў непрыемнасці. У 2021-м прапагандысцкае выданне «Беларусь сегодня» выпусціла матэрыял з інтэрв'ю з тагачасным кіраўніком АБФФ Уладзімірам Базанавым, у якім Даніла і зусім ператвараецца ў Паўла.

З такой памылкай тэкст пайшоў у друк.