Былы чэмпіён свету ў суперцяжкай вазе Уладзімір Клічко раскрытыкаваў прэзідэнта Міжнароднага алімпійскага камітэта Томаса Баха за намеры дапусціць расіян і беларусаў да спаборніцтваў пад нейтральным сцягам. - Томас Бах увесь час кажа аб нейтралітэце МАК. Томас Бах не нейтральны. Ён прадстаўляе расійскія інтарэсы, а не алімпійскія каштоўнасці. Ён не можа стаяць пад белым сцягам. Спорт, бізнес і палітыка маюць шмат агульнага адзін з адным. Асабліва Алімпійскія Гульні заўсёды з'яўляліся часткай палітыкі. Заўсёды. Гаворачы аб колерах, белым, нейтральным сцягу, ёсць добрая фраза ў нямецкай мове: «Вы павінны паказаць свае колеру». Расійскіх і беларускіх спартсменаў не пускаюць? Так. Гэта не маленькі канфлікт. Гэта вайна, якая тычыцца не толькі Украіны. Калі абрынецца Украіна, ўпадуць і іншыя краіны. Гэта заахвоціла б іншых атакаваць краіны і змяняць межы. Расійская прапаганда, абвешчаная вайна, многія знакі тыпу «Z» - гэта фашызм. Гэта відаць па нянавісці да іншых нацый і паводзінах унутры Расіі. Гаворка ідзе пра знішчэнне Украіны. Менавіта гэта Расія робіць ва Украіне. Музеі, мемарыялы, універсітэты, школы проста бурацца. З пачатку вайны ў 2014 годзе было выкрадзена больш за 800 тысяч дзяцей. Дзяцей дэпартавалі без згоды бацькоў. А потым індактрынавалі, галоўнае русіфікавалі. Мэтай гэтых дэпартацый з'яўляецца наступ на ўкраінскую культуру і прадухіленне яе перадачы. Гэта носіць ярка выражаны генацыдны характар. - У відэа вы сказалі, што Томас Бах быў бы саўдзельнікам, калі б расійскіх спартоўцаў зноў дапусцілі да спаборніцтваў. - Не «калі» і «але». На жаль, ён не ўяўляе алімпійскія каштоўнасці, а агрэсара. Ён падтрымлівае прапаганду, расійскіх спартоўцаў, якія ўваходзяць у склад Мінабароны РФ і якія ўдзельнічалі ў міжнародных вайсковых чэмпіянатах. Але яны таксама ўдзельнічалі ў зімовых Алімпійскіх гульнях і зараз плануюць прыняць удзел у наступных летніх Гульнях. Гэтым карыстаецца расійская прапаганда. Расійскія спартоўцы напэўна цяпер забіваюць украінцаў, але потым змяняюць працу. Вы ведаеце прымаўку: «Воўк у авечай шкуры». Мы, украінцы, ведаем ваўка з 2014 года. Але так званы свабодны свет занадта доўга вагаўся. З 2014 года мы пыталіся: «Якія былі наступствы анексіі Крыма Расіяй? Якія наступствы забіцця малайзійскага самалёта? Якія наступствы падтрымкі вайсковых сіл на ўсходзе Украіны, так званых паўстанцаў, якія былі манекенам расійскай цэнтральнай улады?». Нас не пачулі, і гэта працягваецца, бо ніякіх наступстваў не было, - сказаў Клічко.

Аўтар: Віктар Нікольскі

Крыніца: Frankfurter Allgemeine