Аляксандр Усік: «Я не збіраюся ісці ў палітыку»
Чэмпіён WBA, WBO, IBO і IBF у суперцяжкай вазе Аляксандр Усік (20-0, 13 КО) распавёў, што матывуе яго дапамагаць украінскай арміі.
– Арцём Фядэцкі нядаўна распавёў, што бачыў відэа, на якім вы сядзелі ў танку і стралялі з яго.
– Я быў на перадавой. За 900 метраў ужо былі ворагі. Я бачыў іх у бінокль. Так, я ездзіў да нашых байцоў на перадавую. Я застаўся з імі, заставаўся ў акопах. Гаворка ішла аб простай падтрымцы гэтых рабят. Гэта нідзе не афішавалася, не публікаваліся фота і відэа ў сацсетках.
Пра тое, дзе я знаходжуся, грамадства, напэўна, ужо даведалася, бо самі салдаты выклалі фота ў інтэрнэт. Для мяне гэта не піяр, а частка майго жыцця.
Чаму? Таму што хлопцы, якія абараняюць нашу краіну на фронце, даюць мне магчымасць зараз сядзець менавіта на гэтым месцы.
Як я ўжо казаў, я не хачу піярыцца на тым, што дапамагаю салдатам, наведваю іх, арганізоўваю і дастаўляю ўсё неабходнае. Я не збіраюся ісці ў палітыку. Але я хачу жыць у сваёй краіне.
У незалежнай краіне, якая будзе развівацца, дзе эканамічная сітуацыя стане паляпшацца, дзе растуць дзеці, будуюць школы, бальніцы, спартыўныя пляцоўкі. Гэта мая праца. У кожнага свой фронт, – сказаў Усік.
