Усік пра падтрымку вайскоўцаў: «Гэта пачалося не год таму, вораг прыйшоў да нас у 2014 годзе»

Чэмпіён WBA, WBO, IBO і IBF у суперцяжкай вазе Аляксандр Усік (20-0, 13 КО) распавёў аб зносінах з вайскоўцамі і дапамозе ім.

– Як вы стралялі з танка?

– Я быў на фронце, на палігоне, страляў, трэніраваўся.

– Фядзецкі сказаў, што вы стралялі па ворагу.

– Вядома, я сядзеў у танку, ездзіў на ім. Але я страляў на палігоне. Я як салдат нічога не ўмею. Іншая справа, як публічны чалавек я магу шмат зрабіць, не прымаючы непасрэднага ўдзелу ў баявых дзеяннях, я магу прывезці гэтым хлопцам тое, што ім трэба.

Я магу з імі пагаварыць ужывую. Я бачу, што пасля такой сустрэчы яны набіраюцца значна больш сіл, чым калі б я проста даслаў ім відэа, знятае на тэлефон. Асабістая сустрэча – гэта зусім іншае.

Яны мяне пытаюць: «Аляксандр, што ты тут робіш?» Адказваю: «Я да вас прыйшоў».

«Да нас? Нават некаторыя генералы да нас не прыязджаюць. «Але я не генерал».

Гэтая падтрымка пачалася не год таму. Вораг прыйшоў да нас у 2014 годзе. І калі ў мяне ёсць магчымасць, бо ў мяне заўсёды ёсць жаданне. Калі магу, я побач з гэтымі хлопцамі, я з імі.

І нават сёння, калі ехаў у Польшчу, размаўляў са сваім сябрам. У нас нават ёсць планы, што калі я буду баксіраваць, дасць Бог у Польшчы, тады мы зноў пойдзем да салдат, – сказаў Усік.

Нагадаем, з 24 лютага 2022 году Расія працягвае вайну ва Украіне з выкарыстаннем тэрыторыі Беларусі.