Конар МакГрэгар: «Прагаласуйце за мяне як за прэзідэнта, і мы выратуем Ірландыю разам»
Былы чэмпіён UFC Конар МакГрэгар заявіў, што хоча стаць прэзідэнтам Ірландыі.
«Ірландыя, выбар за вамі, і ён лёгкі. Прагаласуйце за мяне як за прэзідэнта, і мы выратуем Ірландыю разам.
Ірландыя павінна поўнасцю ўвесці Міграцыйны пакт ЕС да 12 чэрвеня 2026 года. Такім чынам, паміж гэтым і 12 чэрвеня 2026 года некалькі заканадаўчых актаў павінны быць прыняты абедзвюма палатамі Эрахтаса, а затым падпісаны прэзідэнтам.
Наступныя прэзідэнцкія выбары павінны адбыцца да 11 лістапада 2025 года. Хто яшчэ выступіць супраць урада і будзе супрацьдзейнічаць гэтаму законапраекту? Любы іншы кандыдат, якога яны паспрабуюць вылучыць, не стане перашкодай для іх. А я стану.
Каб пазбегнуць непаразуменняў, я таксама заяўляю: як прэзідэнт я вынесу гэты законапраект на рэферэндум.
Хаця я катэгарычна супраць гэтага пакта, ні я, ні ўрад не маюць права прымаць такое рашэнне самастойна. Гэта выбар народа Ірландыі. Заўсёды. Вось што такое сапраўдная дэмакратыя.
Мне таксама цікава пачуць аргумэнты чыноўнікаў, чаму яны так горача падтрымліваюць гэты пакт. Я б хацеў убачыць спрэчкі. А потым - галасаванне. Такая будзе будучая Ірландыя са мной як з прэзідэнтам.
Усе грамадзяне Ірландыі будуць мець голас і выбар сваёй будучыні. Божа, дабраславі наш народ.
Галасуйце за МакГрэгара, каб ваш голас быў пачуты», - сказаў Конар.
17 сакавіка Конар наведаў Белы дом.
МакГрэгар правёў апошнюю бітву ў ліпені 2021 года.
