Віцэ-прэзідэнт ФШР Смагін: «З-за змены грамадзянства Бадэлькi страляцца не будзем»

Віцэ-прэзідэнт Федэрацыі шахмат Расіі (ФШР) Сяргей Смагін заявіў, што не лічыць стратай шахматыстку Вольгу Бадэльку, якая змяніла спартыўнае грамадзянства на аўстрыйскае.

Ураджэнка Магілёва, 22-гадовая Бадэлька з 2021 года выступала за Расію.

– Шкада, што Вольга сышла, таму што яна вельмі перспектыўная спартока, і Федэрацыя шахмат Расіі шмат зрабіла, калі яна пераходзіла да нас з Беларусі.

Цяжка назваць яе сыход стратай, бо яна не паспела выступіць за зборную Расіі. Вольга – добрая спартсменка і напэўна будзе расці. Магчыма, у яе гэта атрымаецца ў Аўстрыі. Але ў Расіі яна ўсё ж знаходзілася ў шахматным асяроддзі, а такая атмасфера заўсёды неабходна для шахматыста, які хоча дабіцца высокіх вынікаў.

Мала займацца і выступаць у турнірах, важна ўвесь час знаходзіцца ў такім асяроддзі.

Можна пажадаць Вользе поспехаў, але толькі жыццё пакажа, правільным было яе вырашэнне ці не. Яна, напэўна, узмацніла б нашу зборную, але тая ж пакуль не выступае ў камандных спаборніцтвах.

Магчыма, гэта магло быць стратай, але ў нас растуць перспектыўныя дзяўчынкі і страляцца нам сапраўды не варта, – сказаў Смагін.