«Я не магу нічога дрэннага сказаць пра гонку Ганны Церах, бо яна баец. Адрыў, можна сказаць, быў авантурны. Але што такое спорт? Гэта гульня, авантура, правакацыі, выкарыстанне магчымасцяў. Яна паспрабавала, з'ехала ў адрыў. На той момант гонка была праведзена правільна. Аня – дэбютант, наперадзе яшчэ не адны Алімпійскія гульні. Думаю, у іх мы будзем удзельнічаць на агульных, законных падставах.

Тая атмасфера, што складалася пры адборы ў Парыж, таксама была няпростай. Мы не ўдзельнічалі практычна два гады ні ў якіх міжнародных стартах, але нам удалося заваяваць ліцэнзію. Недзе гэта б'е па практыцы. Далей будзе лепей. Калі не, рабяты, мы зробім нешта яшчэ лепшае за Алімпіяду. Няхай усе прыязджаюць да нас. Будзем высвятляць, дзе найлепшы, калі ўдзел змогуць прымаць усё», – сказала Цылінская.

Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту. 28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.

Аўтар: Александр Литвинов

Крыніца: sport5.by