Цылінская – пра бан: «Беларусь ніхто не адхіляў. Краіны-арганізатары баяцца правакацый – траўмы бываюць жудасныя»
Кіраўнік беларускай федэрацыі веласпорту Наталля Цылінская расказала пра перспектывы вяртання на міжнародную арэну.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.
– Вы сказалі, што перамовы вядуцца, а ёсць, можа быць, нейкія нефармальныя зносіны, якія не выходзіць у грамадскія масы? Ці маюць зносіны з вамі прадстаўнікі тых краін, якія не дапушчаюць?
– Вялікіх зносін з усімі краінамі няма. Але фармальна… афіцыйна нас ніхто і не адхіляў. Усё ж апошняе слова за краінамі-арганізатарамі.
Паколькі від спорту ў нас кантактны, вельмі небяспечны – ездзім голыя, без якой-небудзь абароны, а каска – пенапласт, таму падзенні і траўмы ў нас бываюць жудасныя. Нядаўна былі спаборніцтвы ў Вялікабрытаніі. Ехалі дзяўчынкі – сашчапіліся і паляцелі за борт, у трыбуны. Пацярпелі і спартсмены, і гледачы. На жаль, здараецца рознае.
За сваіх гоншчыкаў я ўпэўнена, яны ў нас прыстойныя. Гэтаму іх вучу і я, і трэнеры. Але ў сям'і не без вырадка – заўсёды можа знайсціся правакатар. А зладзіць правакацыю вельмі проста, таму што ў нас, акрамя вялікай гонкі і гітаў, усе віды кантактныя – едзем вялікай масай.
Заўсёды можа знайсціся нейкі нягоднік, які можа нешта зладзіць. Думаю, і гэта шмат каго спыняе. Але веру, што добрых людзей болей. Мы абавязкова вернемся на міжнародную арэну і яшчэ не раз заявімся, – сказала Цылінская.
