Бронзавы медаль АГ сапсаваўся ўжо праз тыдзень – амерыканец паказаў усе дэфекты

На мінулым тыдні 29-гадовы амерыканскі скейтбардыст Найджа Х'юстан заваяваў бронзу Алімпіяды. Але цяпер незадаволены якасцю сваёй узнагароды.

Спартсмен паказаў пярэднюю і заднюю часткі медаля на камеру. Добра відаць пацертасцi i драпiны. Атлет сцвярджае, што ён проста насiў медаль, з iм судатыкалася потная майка – i вось вынiк.

«Яны, відавочна, не такія якасныя, як вам можа падацца. Якасць павінна быць лепшай», – падсумаваў Х'юстан.

Алімпійскія медалі Парыжа змяшчаюць па 18 грамаў металу са знакамітай Эйфелевай вежы – i не створаны для штодзённага выкарыстання. Плануецца, што адразу пасля ўзнагароджання iх пакуюць у каробку.

«Відаць, я павінен быў пакінуць іх у той каробцы. Яны не прызначаныя для выкарыстання», – піша Хʼюстан у іншым пасце.

Крыніца: Bild