Мінабароны Украіны: «Расія хоча адправіць сваіх спартсменаў на Алімпіяду, каб знішчыць яе рэпутацыю»
Міністэрства абароны Украіны заклікала не дапускаць расіян да Алімпійскіх гульняў.
«Украінскі фігурыст Дзмітрый Шарпар загінуў пад Бахмутам. Да вайны Дзмітрый удзельнічаў у Юнацкіх Алімпійскіх гульнях.
Расія пасылае свае войскі забіваць украінцаў. Яна хоча адправіць сваіх спартоўцаў на Алімпіяду, каб знішчыць яе рэпутацыю.
Мы павінны перашкодзіць ім рабіць і тое, і іншае», — гаворыцца ў паведамленні.
Нагадаем, што многія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага працягваецца Расiяй ва Украіне з выкарыстаннем тэрыторыі Беларусі.
25 студзеня МАК дапусціў магчымасць зняцця адхілення на строгіх умовах, сярод якіх удзел у спаборніцтвах толькі ў нейтральным статусе і адсутнасць у біяграфіі «актыўнай падтрымкі» вайны ва Украіне.
