Расійскі трэнер Жулін: «Беларускіх фігурыстаў хочуць дапусціць, таму што яны не перашкаджаюць. А расіяне ствараюць канкурэнцыю»

Расійскі трэнер па фігурным катанні Аляксандр Жулін выказаўся аб магчымым допуску ISU беларускіх спартсменаў.

«Калі дапусцяць беларусаў – гэта добра. У гэтым выпадку зразумела, што ім будзе камфортна без рускіх, бо беларусы не могуць скласці такую канкурэнцыю, а рускія яе ствараюць, перамагаюць, заваёўваюць медалі.

Беларусы нікому не перашкаджаюць. Гэта ўсё палітызавана, што яшчэ тут казаць», – сказаў Жулін.

Раней стала вядома, што ў Міжнародным саюзе канькабежцаў (ISU) маюць намер выступіць за допуск беларускіх спартсменаў да міжнародных спаборніцтваў, тады як у расіян такой падтрымкі ў шэрагах арганізацыі няма.

Фігурысты, канькабежцы і шорт-трэкісты з Расіі і Беларусі адхілены ад удзелу ў міжнародных турнірах з сакавіка 2022 года.