Спартыўны арбітражны суд (CAS) у Лазане адхіліў апеляцыю Алімпійскага камітэта Расіі па пазбаўленні золата камандных спаборніцтваў на Алімпіядзе-2022 у фігурным катанні.

АКР пазбавілі золата камандных спаборніцтваў з-за дыскваліфікацыі Камілы Валіевай, якая здала станоўчы тэст на допінг.

Міжнародны саюз канькабежцаў прысудзіў АКР трэцяе месца ў камандным турніры фігурыстаў на Алімпіядзе-2022, ЗША атрымалі золата.

Пасля гэтага ГКС падаў скаргу ў Спартыўны арбітражны суд, каб вярнуць залатыя медалі каманднага спаборніцтва.

CAS разгледзеў скаргу і ўказаў, што рашэнне ануляваць вынікі Валіевай і пазбавіць АКР залатога медаля справядліва. CAS не бачыць падстаў для прагляду рашэння.

«Група экспертаў прыйшла да высновы, што вынікі спадарыні Валіевай у алімпійскіх камандных спаборніцтвах па фігурным катанні былі правільна ануляваныя ў абскарджаным рашэнні, і што зборная каманда па фігурным катанні не магла быць узнагароджана залатым медалём. Такім чынам, апеляцыі былі адхіленыя», – паведаміў CAS.

Аўтар: cымон pушынскі

Крыніца: CAS