Экс-футбалісты «Спартака» ў Z-форме згулялі ў падтрымку расійскай армii ў вайне з Украінай
Былыя футбалісты «Спартака» падтрымалі расійскую армію, якая з 24 лютага працягвае вайну ва Украіне з выкарыстаннем тэрыторыі Беларусі.
Ягор Цітоў, Дзмітрый Хлястоў, Сяргей Юран, Аляксандр Шырко, Аляксандр Філімонаў, Андрэй Ціханаў і іншыя вядомыя гульцы, якія выступалі за «Спартак», правялі матч супраць служачых дывізіі імя Ф. Дзяржынскага з Падмаскоўя, якія прымалі ўдзел у вайне ва Украіне. Гульня завяршылася з лікам 9:9.
«Мы вельмі рады, што прыехалі сёння падтрымаць хлопцаў, правесці такі матч, які зладзілі губернатар Маскоўскай вобласці і кіраўніцтва гарнізона. Для нас гэта вялікі гонар. Калі гуляеш з такімі людзьмі, знаходзішся побач, адчуваеш асаблівыя пачуцці. З намі выйшаў нават Герой Расіі», – заявіў Ціханаў.
Адзначым, на форму каманд была нанесеная літара Z, якая стала сімвалам падтрымкі расійскіх акупацыйных войскаў ва Украіне.
Изображение: inbalashikha.ru
