Трэнер брэсцкага «Дынама» Пракапюк: «Добра, што не кінулі гуляць у другім тайме з «Шахцёрам»

Галоўны трэнер брэсцкага «Дынама» Андрэй Пракапюк пракаментаваў паражэнне ад салігорскага «Шахцёра» (0:2) у перанесеным матчы 16-га тура вышэйшай лігі.

– Трэба аддаць належнае саперніку. Ён быў агрэсіўней і ў многіх кампанентах мацнейшы за нас. У нас не зусім атрымаўся першы тайм. Нават не «не зусім», а ўвогуле не атрымаўся. Не атрымліваліся выхады з абароны ў атаку. Перахапляем мячы, але літаральна першая-другая перадача і застаёмся без мяча і працуем у абароне. У першым тайме згулялі вельмі слаба.

Добра, што не кінулі гуляць у другім тайме. Імкнуліся выправіць сітуацыю, былі сякія-такія моманты і падыходы. Так, і ў саперніка было дастаткова момантаў. «Шахцёр» быў мацнейшы. Цяпер у нас вельмі шчыльны графік. Часу няма. Цяпер трэба аднавіць хлопцаў і ўжо праз чатыры дні важны матч, – распавёў ён.