Кандрацьеў пра 0:2 ад Амана: «Не хапіла свежасці. Бачыў, што хлопцам цяжка гульня давалася, але яны маральна-валявыя ўключылі ў другім тайме»

Галоўны трэнер зборнай Беларусі Георгі Кандрацьеў пракаментаваў паразу каманды ад Амана ў таварыскім матчы (0:2). Нагадаем, што нацыянальная каманда перапыніла серыю з 4 запар перамог у спарынгах.

– Падвядзіце, калі ласка, вынікі матчу. Здалося, што ў другім тайме да забітага гола нядрэнна сябе выявілі, лепш, чым у першым. Чаго нам не хапіла?

– Не хапіла свежасці. Бачыў, што хлопцам цяжка гульня давалася, але яны маральна-валявыя ўключылі ў другім тайме, сапраўды мы сталі лепш гуляць.

Усё роўна ствараем мала момантаў, а тыя моманты, якія ў нас былі, мы не выкарыстоўвалі. Потым 2 памылкі дапусцілі – тактычна няправільна згулялі. І супернік даволі прыстойнага ўзроўню пакараў нас за гэта.

– Калі падводзіць вынікі ўсяго збору: ёсць 1 перамога і 1 параза. Ці можна назваць гэты збор здавальняючым ці не?

– Гэты збор вельмі карысны. Мы ж глядзім яшчэ і за гульцамі – хто на што здольны. Хаця я іх усіх амаль добра ведаю. Ёсць шмат над чым паразважаць нам, – сказаў Кандрацьеў.

⚽️Чэмпіянат свету-2022 па-беларуску і без VPN! Пампуй дадатак Tribuna.com