«Заснавальнік GOATS сказаў: «Булыга і Глеб старыя. 42 гады, лысы – гэта не карцінка». Але пасля паразаў дастаў грошы». Агент Градзіленка – пра беларусаў у расійскай аматарскай медыялізе
Расейскі футбольны агент, цяперашні трэнер ФК GOATS з расійскай аматарскай медыялігі Дзімітры Градзіленка распавёў, як у камандзе з'явіліся беларускія футбалісты.
За каманду ў гэтым сезоне згулялі Віталь Булыга, Вячаслаў Глеб, Максім Жаўнерчык, Ігар Стасевіч і Ігар Шытаў.
– Патэлефанаваў мой аднакласнік [экс-футбаліст «Зеніта»] Юры Гусакоў, маўляў, нешта там хоча яго сын [заснавальнік і капітан GOATS рэпер Дзмітрый Гусакоў, вядомы ў Расіі пад псеўданімам Goody]. Мы звязаліся па тэлефоне, пагаварылі, ён расказаў, што там і як. Я яму: «Ёсць два варыянты: адзін – крыху даражэй, і я гарантую [поспех], а ў іншым шанцаў няма». Ён: «Добра, а хто гэта?» Я кажу, маўляў, тыя і тыя. Ён: «А я хачу паглядзець на іх».
– Гэта значыць, ён прагляд хацеў зладзіць Булыгу, Шытаву, Глебу? Спадзяюся, што вы ім не сказалі.
– Вядома ж, сказаў. Я Булыгу ведаю гадоў 15. Я тэлефаную, кажу: «Віталь, мне трэба 5 чалавек, трэба прыехаць у [Маскву на стадыён] «Лужнікі» на трэніроўку».
– Яны ж у Мінску ўсё жывуць.
– Менавіта. Я кажу Віталю, што мусяць усе прыехаць на наступны дзень. Ён ператэлефаноўвае і кажа: «Окей». Мы ім замовілі мікрааўтобус. Яны селі, прыехалі ў «Лужнікі», мы сыгралі двухбакоўку. Але Goody толькі пра Шытава сказаў «бяром», калі ён нават на поле яшчэ не выйшаў. Ён прыляцеў на самалёце за свой кошт. Жнівень, цяпло, +30, ён у чорных акулярах, 186 см, кожны дзень у зале. Пра іншых [Goody] сказаў: «Усё, вядома, добра, але Булыга, Глеб – яны ж старыя, паглядзі на іх. У нас павінны быць усе прыгожыя, усе павінны быць вышэй за 185 см. Што гэта? Стары, 42 гады, лысы – гэта не карцінка».
Яны з'ехалі, мы пачалі гуляць: 0:3, 0:3, 2:4. Я кажу: «Дарагі сябар [Goody], што будзем рабіць? Паперкі [грошы] даставай». І ён дастаў. Вось так аказаліся беларусы ў нас у камандзе. Беларускія казлы.
Я звяртаўся да майго сябра, я ж займаўся агенцкай дзейнасцю, Валерыю Ісаеву. Прывітанне яму, мы хутка прыедзем у Віцебск. Але я ў іншы бок пайшоў. Яны прапаноўвалі мне [гульца «Смаргоні» Филипа] Рудзіка, варатара нейкага. Але я вырашыў паставіць на вопыт і майстэрства, – сказаў Градзіленка.
⚽️Чэмпіянат свету-2022 па-беларуску і без VPN! Пампуй дадатак Tribuna.com
