Мікалай Хадасевіч: «Бахар мінскае «Дынама» пакіне. Ён усё ж атрымаў бан за справы 2020 года»
Журналіст Мікалай Хадасевіч падзяліўся інфармацыяй аб будучыні нападаючага мінскага «Дынама» Івана Бахара.
Нагадаем, што пасля выбараў 2020 года, нягледзячы на публічнае маўчанне супраць гвалту, Бахар у сацыяльных сетках падтрымліваў пратэстны рух, аднак пазней падпісаў праўладны ліст.
– Інсайдзік вам падкіну. Не буду сцвярджаць, бо я не правяраў, але Іван Бахар мінскае «Дынама» пакіне. У яго, па-першае, сканчаецца кантракт, а па-другое, з ім, як мне вядома, з ім ужо кантактуюць агенты, каб перабрацца ў нейкі з еўрапейскіх чэмпіянатаў, мусіць, не топавых, а сціплых.
І самае галоўнае, чаму з ім кантактуюць. Бо атрымаў ён усё ж за справы 2020 года бан. Калі гэта скончыцца, я не ведаю. Але вось далятае Іван Бахар, быццам бы, у гэтую кагорту тых, хто атрымаў. Таму яму трэба ехаць з Беларусі. Тое, што я чуў, – распавёў Хадасевіч на сваім YouTube-канале.
⚽️Чэмпіянат свету-2022 па-беларуску і без VPN! Пампуй дадатак Tribuna.com
