Уладзімір Базанаў: «Мы змагаліся за захаванне фінансавання беларускага футбола. І тут мы з вамі перамаглі»
Старшыня АБФФ Уладзімір Базанаў на цырымоніі закрыцця футбольнага сезона назваў перамогай адсутнасць адхілення беларускіх каманд ад міжнародных спаборніцтваў УЕФА і ФІФА.
– Мы, не пабаюся гэтага слова, змагаліся за захаванне права ўдзельнічаць нашым камандам у міжнародных спаборніцтвах. За захаванне права заставацца паўнапраўнымі членамі міжнародных футбольных арганізацый. І галоўнае, за захаванне фінансавання беларускага футбола. І тут мы з вамі перамаглі, – сказаў Базанаў.
Беларускія каманды не адхілены УЕФА ад удзелу ў міжнародных матчах, аднак хатнія сустрэчы вымушаны праводзіць на нейтральных палях і без гледачоў.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага працягваецца Расiяй ва Украіне з выкарыстаннем тэрыторыі Беларусі.