Базанаў пра тое, ці будзе балатавацца на другі тэрмін: «Пакуль не вырашыў. Лічу, што я сваю задачу выканаў»
Старшыня АБФФ Уладзімір Базанаў расказаў аб тым, ці збіраецца ён балатавацца на другі тэрмін.
– Наперадзе выбары кіраўніка АБФФ. Ці будзеце балатавацца?
– Рашэнні аб тым, буду ці не буду балатавацца, я не прымаў.
– Хто можа балатавацца? Магу я?
– Можаце і вы.
– Сур'ёзна?
– Так, сур'ёзна. Я лічу, што я сваю задачу і тое, што заяўляў, выканаў – развіццё дзіцяча-юнацкага футбола, у першую чаргу, – базіс і аснова масавага футбола. Я зрабіў гэта. А тамака будзе відаць.
У санкцыйны няпросты 2022 год мы пабудавалі 10 вялікіх поўнапамерных палёў 105х68, мы пабудавалі 37 пляцовак 20х40 і 5 – 40х60, там адна 40х80 – гэта велізарная [праца] для развіцця інфраструктуры, для таго, каб нашы дзеці гулялі ў футбол.
– Мы можам глядзець футбол, дзякуючы вам (маюцца на ўвазе трансляцыі матчаў чэмпіянату свету-2022 на сайце ФІФА, дазволеныя для беларускага рэгіёну – заўв. Tribuna.com). Наколькі тэхнічна было складана дамовіцца з ФІФА+?
– Скажу, што ўсё вырашаюць асобы, знаёмствы. Не хачу казаць, хто гэта вырашыў. Мы вырашылі гэта ў апошні момант, калі знаходзіліся ў Катары. Мы толькі за суткі да пачатку чэмпіянату свету гэтае пытанне вырашылі, каб мы маглі паказваць на нашым сайце хаця б. Я сам зараз гляджу на сайце, зразумела, што не на беларускай ці рускай мовах, але на англійскай што зрабіць? – сказаў Базанаў.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
