Ягор Філіпенка: «Калі выбіраць з Месі, Раналду і Дзюбы, то выберу Дзюбу»
Беларускі абаронца «Урала» Ягор Філіпенка распавёў, што хацеў бы бачыць нападніка Арцёма Дзюбу ў сваёй камандзе.
– Крышціяну нядаўна стаў свабодным агентам. І Рыгор Іваноў нават адрэагаваў на гэта. Ён сказаў, што хацеў бы бачыць ва «Урале» Месі, а не Раналду.
– Вечнае пытанне: хто з іх мацней. Думаю, Месі мае неверагодны дрыблінг, у Крышціяну такога няма. Але Раналду сабраў кучу рэкордаў. Хто з іх лепш – адказаць немагчыма. Калі б у мяне была магчымасць узяць аднаго з іх у «Урал», узяў бы Месі, – сказаў Філіпенка.
– Ёсць яшчэ адзін свабодны агент на рынку. Гаворка пра Дзюбу.
– Ааа, Цёма! Калі выбіраць з іх траіх, то выберу Цёму.
– Вы падтрымліваеце кантакт з Дзюбай?
– Цяпер не. Згубіліся трохі, даўно не размаўлялі. Але, вядома, сачу за навінамі. Было б выдатна, калі б ён прыйшоў да нас.
– Якімі якасцямі Дзюба павінен зацікавіць свой будучы клуб?
– У яго іх вельмі шмат. Арцём вельмі любіць выйграваць і робіць дзеля гэтага ўсё. У яго вельмі моцны характар, ён прайшоў праз многія рэчы. Цёму ўсе выдатна ведаюць, пра яго не трэба нічога дадаваць.
– Ці можа ён зрабіць гульню ў адзіночку, як Месі?
– У чэмпіянаце Расіі можа, – сказаў Філіпенка.
Нагадаем, што апошнім клубам Дзюбы быў турэцкі «Адана Дэмірспор», з якім ён скасаваў кантракт 3 лістапада са згоды бакоў.
⚽️ Чэмпіянат свету-2022 па-беларуску і без VPN! Пампуй дадатак Tribuna.com