Дэклан Райс: «Сапернікі павінны пачынаць баяцца зборную Англіі»
Паўабаронца зборнай Англіі Дэклан Райс адказаў на пытанне, ці варта Францыі баяцца перад матчам 1/4 фіналу ЧС-2022.
«Так, я кажу пра гэта ўвесь час. Я не думаю, што мы атрымліваем заслужаную адзнаку за нашыя выступы.
Нідэрланды і Аргенціна спакойна выйграюць свае матчы, а іх гульню потым называюць майстар-класам. А ў нашай гульні заўсёды шукаюць негатыў.
Калі вы паглядзіце апошнія нашыя матчы, то яны былі бездакорныя. Зборныя павінны пачынаць нас баяцца, бо ў нас выдатная каманда.
У пачатку турніру было шмат размоў аб тым, што мы не забіваем дастаткова галоў. Гэта яшчэ адзін факт, пра які мы прымусілі людзей маўчаць. Таксама было шмат увагі да нашай гульні ў абароне і прапушчаным галам, але зараз мы гуляем надзейна», – сказаў Райс.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
