Галоўны трэнер зборнай Марока: «Хачу, каб Мбапэ выйграў ЧС»

Галоўны трэнер зборнай Марока Валід Рэграгі падзяліўся чаканнямі ад фінальнага матчу ЧС-2022 Аргенціна – Францыя, які пройдзе 18 снежня.

«Мбапэ – новы Пеле, ён гоніцца за сваімі лічбамі. Я б хацеў, каб ён выйграў ЧС. Спадзяюся, на яго не будзе занадта вялікага ціску.

Гэта будзе збалансаваны фінал. Аргенціна набыла ўпэўненасць, у іх ёсць Месі, які з'яўляецца найлепшым. Францыя добра абараняецца, згаджаецца гуляць без мяча і мае вельмі хуткіх гульцоў. Думаю, шанцы 50 на 50.

Францыя можа зрабіць гістарычны дубль. Вам трэба толькі паглядзець, што яны зрабілі за апошнія 20 гадоў, каб зразумець, што яны самыя лепшыя ў свеце. Я таксама гэтым ганаруся, бо нарадзіўся ў Францыі і зʼяўляюся плёнам французскай школы. Іх шмат крытыкуюць, але іх гульцы самыя лепшыя ў свеце, як і нацыянальная зборная», – сказаў Рэграгі.

⚽️ Чэмпіянат свету-2022 па-беларуску і без VPN! Пампуй дадатак Tribuna.com