Бускетс завяршыў кар'еру ў зборнай Іспаніі
Паўабаронца «Барселоны» Серджы Бускетс абвясціў аб завяршэнні кар'еры ў зборнай Іспаніі.
«Прывітанне ўсім! Хацеў бы аб'явіць, што амаль пасля 15 гадоў і 143 матчы прыйшоў час развітацца са зборнай.
Я хацеў бы падзякаваць усім, хто суправаджаў мяне на гэтым доўгім шляху. Пачынаючы з Вісэнтэ дэль Боске, які даў мне дэбютаваць, і заканчваючы Луісам Энрыке, дзякуючы якому я атрымліваў задавальненне да апошняй секунды. Таксама хацеў бы падзякаваць за давер Хулена Лапетэгі, Фернанда Ера і Роберта Марэна, а таксама ўсім трэнерам, якія працавалі ў іх штабах. І, вядома, хацеў бы падзякаваць усім партнёрам па камандзе, побач з якімі я змагаўся за тое, каб вывесці нашу зборную на заслужанае месца. Часам поспехаў было больш, часам – менш, але мы заўсёды аддаваліся цалкам і гулялі з гонарам. Не хачу забываць ні аб адным чалавеку, які быў на заднім плане, але ўсё роўна гуляў вельмі важную ролю. Гэта фізіятэрапеўты, лекары, майстры па рамонце абсталявання, дэлегаты, дыетолагі, персанал, журналісты, ахова, людзі, якія суправаджалі нас, і гэтак далей. Таксама я хачу падзякаваць усім людзям і супрацоўнікам, з якімі я сустрэўся на гэтым шляху. Менавіта вы зрабілі яго такім асаблівым. Дзякуй усім заўзятарам за штодзённую падтрымку, асабліва – у моманты, калі ўсё ішло не так, як мы чакалі. У такія моманты мы мелі патрэбу ў вас мацней за ўсё, адзінства было важней за ўсё. Дзякуй усім вам! І, вядома, самае важнае – гэта мая сям'я. Дзякуй, што ўвесь час падтрымлівалі мяне і прымалі ўсе мае рашэнні, дзялілі гэты шлях са мной, калі мяне шмат дзён не было побач. Вы заўсёды прымушалі мяне адчуваць сябе так, што я паказваў свой найлепшы футбол. Для мяне было гонарам прадстаўляць сваю краіну і выводзіць яе на самы высокі ўзровень, быць чэмпіёнам свету і Еўропы, быць капітанам і згуляць так шмат матчаў, з большым ці меншым поспехам, але заўсёды выкладваючыся на поўную і ўкладваючы ўсе свае сілы, каб усё атрымалася як можна лепш і каб усе адчулі, наколькі яны важныя: дапамагаючы ўсім і імкнучыся да адной мэты, з унікальным, незабыўным і гістарычным досведам», – напісаў Бускетс. Сэрджы выступаў за зборную Іспаніі з 2009 года. На яго рахунку 2 галы і 9 асістаў у 143 матчах. Бускетс выйграў ЧС-2010 і Еўра-2012. Таксама паўабаронца правёў 17 матчаў на чэмпіянатах свету – рэкорд сярод гульцоў іспанскай зборнай.
