Агент Шпілеўскі: «У Беларусі не бачу тых кваліфікаваных футбалістаў, якія былі раней»
Беларускі футбольны агент Мікалай Шпілеўскі падзяліўся меркаваннем пра узровень айчыннага футбола.
– Шчыра кажучы, беларускі футбол цікавіць мяне вельмі мала, павярхоўна па адной прычыне: я не бачу тых кваліфікаваных футбалістаў, якія былі раней, каб можна было казаць, што сёння людзі з чэмпіянату Беларусі могуць гуляць на топавым узроўні. На жаль. Можа быць, я памыляюся, але баюся, што не.
Што да трансфераў у Расію, то ўсё магчыма.
– Зараз у чэмпіянаце Беларусі няма ніводнага футбаліста, які змог бы гуляць на топ-узроўні ў Расіі?
– Не магу сцвярджаць, што такога няма. Магчыма, ёсць патэнцыял. Але каб сёння тыкнуць пальцам і сказаць, што чалавек узмацніў бы той жа «Арыс", я не думаю, што такі ёсць. Не ведаю, якія чаканні ў клубаў РПЛ, але напэўна, узровень у Беларусі крыху асеў з прычыны вядомых нам падзей, – сказаў Шпілеўскі.
За клубы РПЛ выступаюць 8 беларускіх футбалістаў: Захар Волкаў («Хімкі»), Юрый Кавалёў, Аляксандр Паўлавец, Кірыл Пячэнін, Міхаіл Сівакоў (усе – «Арэнбург»), Дзяніс Лапцеў («Тарпеда»), Аляксандр Сялява («Растоў») і Ягор Філіпенка («Урал»).
