«Эспаньёл» лічыць несправядлівым рашэнне мадрыдскага суда дазволіць Левандоўскаму згуляць у матчы супраць іх каманды
«Эспаньёл» пракаментаваў рашэнне мадрыдскага суда па ўрэгуляванні спрэчак прыпыніць 3-матчавую дыскваліфікацыю нападаючага «Барселоны» Роберта Левандоўскага і дазволіць яму згуляць у матчы паміж камандамі.
У клубе незадаволеныя, што яны не былі паінфармаваныя аб гэтым рашэнні афіцыйна, і што ўсё адбылося за 24 гадзіны да пачатку гульні. Рашэнне апісваецца як «няправільнае і несправядлівае».
Нагадаем, Левандоўскаму дазволілі згуляць у 15-м туры Ла Лігі супраць «Эспаньела», нягледзячы на рашэнне Спартовага адміністрацыйнага суда дыскваліфікаваць яго на 3 матчы.
Канчатковае рашэнне аб колькасці прапушчаных гульняў не будзе прынята да таго моманту, пакуль суд не завершыць аналіз аргументаў, вылучаных клубам наконт скарачэння дыскваліфікацыі.
Таму мадрыдскі суд дазволіў гульцу прыняць удзел у гульні, якая адбудзецца заўтра, 31 снежня, а 16 гадзіне.
Левандоўскі павінен быў прапусціць матчы Ла Лігі супраць «Эспаньёла», «Атлетыка» і «Бетыса».
