25 з 40 гульцоў зборнай ДР Конга U17 правалілі тэст на сапраўдны ўзрост. Каманда знялася з адбору Кубка афрыканскіх нацый
Дэмакратычная Рэспубліка Конга была вымушана адмовіцца ад адборачнага турніру да Кубка афрыканскіх нацый-2023 сярод гульцоў да 17 гадоў пасля таго, як 25 з 40 футбалістаў не прайшлі абавязковае ўзроставае тэсціраванне.
Каманда не зможа згуляць, бо турнір пачынаецца ўжо 12 студзеня.
У заяве Федэрацыі футбола ДР Конга гаворыцца, што яна была вымушана адмовіцца ад удзелу з-за таго, што толькі 15 гульцоў атрымалі права на ўдзел у турніры, а 25 з 40 не прайшлі МРТ-тэсціраванне.
Аднак толькі 5 з 15 футбалістаў, якія прайшлі праверку на ўзрост, выканалі адміністрацыйныя фармальнасці, якія дазваляюць ім паехаць на турнір у Камеруне.
Раней Федэрацыя футбола Камеруна паведаміла, што больш за 20 гульцоў зборнай U17 правалілі тэст на сапраўдны ўзрост. Па інфармацыі BBC Sport Africa, каманда знайшла 30 гульцоў на замену, таму прыме ўдзел.
Такім чынам, у адборы прымуць удзел чатыры, а не пяць каманд.
