Сяргей Яромка: «Абрэвіятура ГНП надакучыла. Так рабіць – не мой капрыз. Так прынцыпова хочуць самі футбалісты»
Галоўны трэнер «Мiнска» Сяргей Яромка падзяліўся меркаваннем аб перадсезоннай падрыхтоўцы каманды.
– Якія бліжэйшыя планы ў падрыхтоўчым перыядзе?
– У нас спецыфіка ў тым, што большасць гульцоў – студэнты, і трэба ім даваць магчымасць наведваць заняткі, своечасова разлічвацца па акадэмічных запазычанасцях, здаваць сесіі. У нас траціну хлопцаў могуць і адлічыць. Каб не ствараць дадатковых праблем, найбліжэйшы тыдзень будзем працаваць у рэжыме адна трэніроўка ў дзень.
25 студзеня спарынг з «Нафтанам», у суботу – яшчэ адзін. Кірыл Чарнавок з'ехаў на прагляд у «Аланію». Сказаў яму, што буду рады, калі атрымаецца ўчапіцца. Не атрымаецца - застанецца ў нашым клубе. Канешне, хачу, каб ён вярнуўся да нас. Добра, што надвор'е спрыяе спакойнаму вядзенню трэніровачнага працэсу.
Хутка паедзем на збор у Ратамку, пакуль выкарыстоўваем клубную інфраструктуру. Ёсць выбар, дзе трэніравацца, і гэта здорава. Хачу запэўніць, што «Мiнск» будзе адкрытым для прэсы клубам. Сам заўсёды гатовы да зносін.
Разумею, што абрэвіятура ГНП парадкам надакучыла, калі публікуюцца склады ўдзельнікаў спарынгаў. На самой справе так рабіць – не мой капрыз. Так прынцыпова жадаюць самі футбалісты, і ісці ім насуперак не варта. Ёсць дамоўленасць, якую трэба прытрымлівацца. Але калі футбаліст не супраць, каб яго прозвішча абнародавалі, то калі ласка, – сказаў Яромка.
